وانا قاعد باذاكر(قصدى عامل نفسى باذاكر),لاقيت فجاه النور ضلم و شريط حياتى اشتغل وصورته طالعه على شاشة العرض بتاعة مخى وهاتك يادوران.. ودى بعض المشاهد الى ظهرت قدامى...
المشهد الاول
اول يوم ماما بتصحينى فيه عشان اروح الحضانه كانت فكرانى نايم,متعرفش ان فرحتى انى حاروح الحضانه طيرت النوم من عينى..عملتلى الساندوتشات وقالتلى"اول ماجرس الفسحه يضرب تطلع ساندوتشاتك وتاكلهم..اوعا ترجع بيهم"...
المشهد الثانى
وانا فى رابعه ابتدائى,كنت قاعد فى حوش المدرسه فى الفسحه برضو باكل سندوتشاتى ولقيت "منه" حبى الاول وهيه جايه تطلب منى شويه مايه من الزمزميه بتاعتى عشان ايدها اتعورت وعايزه تغسلها من الدم الى عليها..ياااااااااااااااااه كنت طاير من الفرحه,كنت سعيد لمجرد انى اتكلمت معاها,اى نعم هيه معبرتنيش من بعدها بس مش مهم,شعور السعاده ده مافارقنيش طول اليوم,يمكن مافارقنيش لمده اسبوع...
المشهد الثالث
وانا فى اولى اعدادى,لما الراجل الى كان بابا موصيه يجيب العجله وصل ومعاه العجله بتاعتى,كنت حاطير من الفرحه,اخيرا حيبقالى عجله زى بقيت اصحابى,وسهرت انا وابويا نركب فى العجله لغايه الفجر وياعينى ابويا كان عنده شغل الصبح بس مرضيش ينام غير لما يركبهالى,بتهيالى نظره الفرحه الى كانت فى عينى
كانت اهم عنده من اى شغل...
المشهد الرابع
وانا فى تالته اعدادى,لما شريف صاحبى جالى وقالى"كلمتنى يااحمد..ايمان كلمتنى"..يوه على اليوم ده فرحنا فرح,كانها حبيبتى انا وانا الى كلمتها..كنا غلابه !!!
المشهد الخامس
وانا فى تانيه ثانوى,اتجمعنا انا وصحابى التلاته يوم النتيجه باليل فوق السطح بتاع بيت محمد صاحبى,كانت اعلى دماغ عملنها,دماغ بسيطه مش مكلفه,اربع كبايات شاى وشريط سيلين ديون وعشنا فى عالم الخيال..كان حتة يوم...
المشهد السادس
لما سافرنا انا وصحابى مرسى مطروح ولاول مره نعمل حاجه من الالف للياء لوحدنا خروج واكل ونوم وكل حاجه مع بعض,ولما رحنا شاطئ "عجيبه" وطلعنا فوق حته عاليه وقعدنا نغنى والناس بتشاور علينا وكانهم بيقولو ايه العيال المجانين دى..احلى جنان والله...
المشهد السابع
يوم ماجاتلى فى الكليه وصارحتنى بحبها,تقريبا والله اعلم فى اليوم ده طلعلى جناحين وطرت زى العصافير احساسى فى اليوم ده تخطى كلمه سعاده بمراحل حاجه ماعرفش اعبر عنها بكلمات..برضو كنا لسه غلابه !!!
المشهد الثامن
يوم برضو ماجاتلى فى الكليه وقالتلى احنا مينفعش نكمل مع بعض عشان انا اتخطبت لابن خالتى وباب موافق عليه وانا مقدرش اعارضه,مع ان معدش فى بنات بيتجوزو غصب عنهم..ماعلينا !!!
المشهد التاسع
يوم عيد ميلادى الى فات,لما دخلت عالم الكبار وسبت عالم سمسم بتاعى وبقى عندى 21 سنه والدنيا قالتلى عفوا لقد نفذ رصيدكم من الهبل والجنان بتاع زمان..
ولغايه هنا انقطع الارسال والشاشه ضلمت وظهرت قدامى مذكره الصيدله الصناعيه الى كنت قاعد باذاكر فيها والمفروض اخلصها..يارب تخلص باه !!
المشهد الاول
اول يوم ماما بتصحينى فيه عشان اروح الحضانه كانت فكرانى نايم,متعرفش ان فرحتى انى حاروح الحضانه طيرت النوم من عينى..عملتلى الساندوتشات وقالتلى"اول ماجرس الفسحه يضرب تطلع ساندوتشاتك وتاكلهم..اوعا ترجع بيهم"...
المشهد الثانى
وانا فى رابعه ابتدائى,كنت قاعد فى حوش المدرسه فى الفسحه برضو باكل سندوتشاتى ولقيت "منه" حبى الاول وهيه جايه تطلب منى شويه مايه من الزمزميه بتاعتى عشان ايدها اتعورت وعايزه تغسلها من الدم الى عليها..ياااااااااااااااااه كنت طاير من الفرحه,كنت سعيد لمجرد انى اتكلمت معاها,اى نعم هيه معبرتنيش من بعدها بس مش مهم,شعور السعاده ده مافارقنيش طول اليوم,يمكن مافارقنيش لمده اسبوع...
المشهد الثالث
وانا فى اولى اعدادى,لما الراجل الى كان بابا موصيه يجيب العجله وصل ومعاه العجله بتاعتى,كنت حاطير من الفرحه,اخيرا حيبقالى عجله زى بقيت اصحابى,وسهرت انا وابويا نركب فى العجله لغايه الفجر وياعينى ابويا كان عنده شغل الصبح بس مرضيش ينام غير لما يركبهالى,بتهيالى نظره الفرحه الى كانت فى عينى
كانت اهم عنده من اى شغل...
المشهد الرابع
وانا فى تالته اعدادى,لما شريف صاحبى جالى وقالى"كلمتنى يااحمد..ايمان كلمتنى"..يوه على اليوم ده فرحنا فرح,كانها حبيبتى انا وانا الى كلمتها..كنا غلابه !!!
المشهد الخامس
وانا فى تانيه ثانوى,اتجمعنا انا وصحابى التلاته يوم النتيجه باليل فوق السطح بتاع بيت محمد صاحبى,كانت اعلى دماغ عملنها,دماغ بسيطه مش مكلفه,اربع كبايات شاى وشريط سيلين ديون وعشنا فى عالم الخيال..كان حتة يوم...
المشهد السادس
لما سافرنا انا وصحابى مرسى مطروح ولاول مره نعمل حاجه من الالف للياء لوحدنا خروج واكل ونوم وكل حاجه مع بعض,ولما رحنا شاطئ "عجيبه" وطلعنا فوق حته عاليه وقعدنا نغنى والناس بتشاور علينا وكانهم بيقولو ايه العيال المجانين دى..احلى جنان والله...
المشهد السابع
يوم ماجاتلى فى الكليه وصارحتنى بحبها,تقريبا والله اعلم فى اليوم ده طلعلى جناحين وطرت زى العصافير احساسى فى اليوم ده تخطى كلمه سعاده بمراحل حاجه ماعرفش اعبر عنها بكلمات..برضو كنا لسه غلابه !!!
المشهد الثامن
يوم برضو ماجاتلى فى الكليه وقالتلى احنا مينفعش نكمل مع بعض عشان انا اتخطبت لابن خالتى وباب موافق عليه وانا مقدرش اعارضه,مع ان معدش فى بنات بيتجوزو غصب عنهم..ماعلينا !!!
المشهد التاسع
يوم عيد ميلادى الى فات,لما دخلت عالم الكبار وسبت عالم سمسم بتاعى وبقى عندى 21 سنه والدنيا قالتلى عفوا لقد نفذ رصيدكم من الهبل والجنان بتاع زمان..
ولغايه هنا انقطع الارسال والشاشه ضلمت وظهرت قدامى مذكره الصيدله الصناعيه الى كنت قاعد باذاكر فيها والمفروض اخلصها..يارب تخلص باه !!
هناك 16 تعليقًا:
والله يا احمد قلبت عالواحد حاجات ، كنا طايرين فى ايام مرسى مطروح حاسين اننا مالكين الدنيا
وياسلام على نتيجة الثانويةوكل الناس قلقانة واحنا قاعدين عاملين دماغ زى ما قلت
رجعتنى لأيام محفور تأثيرها جوا الواحد
تسلملى يا معلم
استراحة محمد يقول...
والله يا احمد قلبت عالواحد حاجات ، كنا طايرين فى ايام مرسى مطروح حاسين اننا مالكين الدنيا
وياسلام على نتيجة الثانويةوكل الناس قلقانة واحنا قاعدين عاملين دماغ زى ما قلت
رجعتنى لأيام محفور تأثيرها جوا الواحد
تسلملى يا معلم
-------------------------------------
ايام ضفرها برقبة الايام الى بنعشها دلوقتى بس حتى وقتها مكناش حاسين بقيمتها
بس اهم حاجه ان احنا مع بعض
واحنا الى بنعمل الايام الحلوه
احنا اخوات وبقو اصحاب
الله
جميل قوى انك ترجع بذكرياتك
وتفتكر ايامك الجميله
يارب دايماً تكون ايامك على طول كلها سعاده
بس ليه نفذ رصيدكم من الهبل والجنان
بص اعمل كل اللى فى نفسك
مادام مش حرام
واتهبل على قد ما تقدر
لأن الهبل هو اللى بينفع
واوعى تكبر ابداً
موضوع جميل
تحياتى
كلمتى يقول...
الله
جميل قوى انك ترجع بذكرياتك
وتفتكر ايامك الجميله
يارب دايماً تكون ايامك على طول كلها سعاده
-----------------------------------
متكشر اوى على الدعوه الجميله دى
-----------------------------------
بس ليه نفذ رصيدكم من الهبل والجنان
بص اعمل كل اللى فى نفسك
مادام مش حرام
واتهبل على قد ما تقدر
لأن الهبل هو اللى بينفع
واوعى تكبر ابداً
-----------------------------------
بس ساعات السن والعمر بيحكم افعال الواحد حتى لو كان واخد قرار انه يفضل زى ماهوه وميتغيرش, بيلاقى فجاه حاجه معينه معدش بيعملها ولا بيفكر فيها وهكذا تبدا حياته كلها تتغير
-----------------------------------
موضوع جميل
تحياتى
-----------------------------------
مرورك اسعدنى جدا والله
شكرا
كتييييييييييير اوى بتكون الذكريات دى اكتر صاحب ليك يخرجك بره سوء الحاضر بجد
اجمل حاجه فى الدنين ان الانسان يحن للماضى وذكرياته وتندهش ازاى الماضى ده عدى بسرعه كده
وفجأه تلاقى نفس العمر عدى بيك والحاضر الجميل بقى مجرد ماضى وذكريات
كلام جميل جداً
وكويس إن الواحد يحس إن فى حياته
أوقات حلوه
بس برضه كل عمل لازم ياخد حقه
يعنى لما تذاكر حاول تركز فى المذاكره
ولما تبقى فاضى تبقى
أفتكر برحتك
سلااااااااااااام
الموضوع ده بيحصلى كتير اوى ..والغريبه انى بفتكر احيانا حاجات وتفصيل صغيره اوى يعنى انا مثلا فاكر موقف لواحد صحبى ..انا جالى مع شريف صحبى وقلى انه لقى الى بيحبها عن طريق الانتر نت ..انا سعتها مكنتش اعرف يعنى ايه نت او يعنى ايه اميل..بس انا كنت سعتها فرحان عشانه وحسيت ان الدنيا دى صغيره..والله انت رجعتنى لايام مرسى مطروح الى انا بعتبر انها اجمل ايام حياتى ..دعنى انحنى لك شكرا..
لست أدرى يقول...
كتييييييييييير اوى بتكون الذكريات دى اكتر صاحب ليك يخرجك بره سوء الحاضر بجد
اجمل حاجه فى الدنين ان الانسان يحن للماضى وذكرياته وتندهش ازاى الماضى ده عدى بسرعه كده
وفجأه تلاقى نفس العمر عدى بيك والحاضر الجميل بقى مجرد ماضى وذكريات
-----------------------------------
عشان كده الواحد لازم يعيش اللحظه ويستمتع بيها على قد مايقدر
متشكر اوى على مرورك
mnoon يقول...
كلام جميل جداً
وكويس إن الواحد يحس إن فى حياته
أوقات حلوه
بس برضه كل عمل لازم ياخد حقه
يعنى لما تذاكر حاول تركز فى المذاكره
ولما تبقى فاضى تبقى
أفتكر برحتك
سلااااااااااااام
-----------------------------------
معاكى حق,بس غصب عنى لاقيت شريط الذكريات شغال
حاحاول اعمل بنصيحتك ان شاء الله
نورتينى
eslam يقول...
الموضوع ده بيحصلى كتير اوى ..والغريبه انى بفتكر احيانا حاجات وتفصيل صغيره اوى يعنى انا مثلا فاكر موقف لواحد صحبى ..انا جالى مع شريف صحبى وقلى انه لقى الى بيحبها عن طريق الانتر نت ..انا سعتها مكنتش اعرف يعنى ايه نت او يعنى ايه اميل..بس انا كنت سعتها فرحان عشانه وحسيت ان الدنيا دى صغيره..والله انت رجعتنى لايام مرسى مطروح الى انا بعتبر انها اجمل ايام حياتى ..دعنى انحنى لك شكرا..
-----------------------------------
ياه ده صاحبك ده غلبان اوىىى
هوه فى حد بيلاقى حد على النت
وبخصوص مرسى مطروح فدى احلى ايام ممكن تمر على الواحد
نورتنى ياسلام
الله
مفيش احلى من ان تفضل فى ذاكرتك ذكرى حلوة لكام بنى ادم مع كام يوم حلوين
بوست راااااااااااااااااااااااااااااااائع
dina يقول...
الله
مفيش احلى من ان تفضل فى ذاكرتك ذكرى حلوة لكام بنى ادم مع كام يوم حلوين
-----------------------------------
الذكريات دى هيه الى بتصبر الواحد على الحياه وبتديله امل ان ممكن يجى زيها تانى
-----------------------------------
بوست راااااااااااااااااااااااااااااااائع
-------------------------------------
متشكر اوى يادينا
مرورك اسعدنى اوى
اعتقد ان احلى حاجةفي الدنيا الجنان
لايصنع مجد الامم إلا المجانين
mostafarayan يقول...
اعتقد ان احلى حاجةفي الدنيا الجنان
لايصنع مجد الامم إلا المجانين
-------------------------------------
على كده مصر بينتظرها مستقبل باهر على ايدى ان شاء الله
بجد يا احمد روووووووعة البووست دا
فعلا بث حى ومباشر ، انا حسيت كأنى عشت اللحظات دى
فرحت مع الكلام وطلعلى جناحات ودمعت على الفراق
ربنا يسعد ايامك يا احمد ويوفقك
سارورة يقول...
بجد يا احمد روووووووعة البووست دا
فعلا بث حى ومباشر ، انا حسيت كأنى عشت اللحظات دى
فرحت مع الكلام وطلعلى جناحات ودمعت على الفراق
ربنا يسعد ايامك يا احمد ويوفقك
-----------------------------------
انا سعيد جدا ان البوست عجبك ياساروره وسعيد اكتر بدعوتك الجميله دى
وربنا يسعد ايامك و يوفقك انتى كمان
إرسال تعليق