مستنى يوم 6 ابريل ده بفارغ الصبر,اليوم ده شايف انه حيكون اختبار حقيقى للشعب المصرى,حنقف فعلا ونطالب بحقوقنا,ولا كل واحد حيعمل "عبدو العبيط" ويستنى يشوف الباقى حيعمل ايه,وتصفصف العمليه على مظاهره لحركه "كفايه" فى ميدان التحرير وكل عام وانتم بخير,وترجع ريما لعادتها القديمه,ونرجع تانى نعد نشكى لبعضينا,بس بتهيالى ساعتها محدش حيشتكى ولا حتى حيدايق مهما حصل فينا عشان حنكون عرفنا ان احنا بتوع كلام وبس وساعه الجد كله بيجرى,يارب يخيب ظنى...
الاشتراك في:
تعليقات الرسالة (Atom)
هناك 3 تعليقات:
بص يابني .. مفيش حاجه بتبدأ كاملة من أولها .. و حتى لو محدش اتحرك أو عدد قليل اتحرك .. دي خطوة كبيرة أوي الشعب ده بياخدها
و بعدين لعلمك بقى الناس جابت اخرها خلاص و معدتش عندها لا عزيز و لا غالي تبكي عليه
يمكن زمان كنا بنتكلم و بس لكن مابنعملش عشان خايفين
دلوقتي الشعل ماعتش عنده حاجه يخاف عليها
حقوقه و اتسرقت .. شرفه و اتهان .. عرضه و اغتصب .. فاضل ايه تاني ..
ان شاء الله البلد دي هتتغير
بس وحده وحده
و أول الغيث قطرة
يسمع منك ياشريف
واحدة واحدة والأمور حتمشى على الأقل نحقق خطوة كبداية
إرسال تعليق