بعد 16 سنه علام,سالت نفسى انتا دلوقتى بقيت جاهز تفيد المجتمع وتفيد نفسك؟..وكانت الاجابه "لا"..
بعد مافقت من صدمه الاجابه حاولت اعرف السبب
ليه انا بعد كل السنين دى وكل التعب ده مقدرش افيد
ولا استفيد,وكان السبب بسيط جدا..
انى مكنتش باتعلم لغرض العلم,انا كنت بتعلم عشان اخد شهاده اشتغل بيها,مش شرط عارف باه ولا مش عارف
احنا على راى عادل امام "بلد بتاعت شهادات صحيح"
يعنى مش المهم تفهم او تستفيد,المهم تعرف ازاى تنجح فى الامتحان,مش مهم تعرف فايده العلم ده فى حياتك
المهم تعدى للسنه الى بعدها.
طب ليه..احنا كده بنضيع مجهودنا وعمرنا ع الفاضى
ليه ميكنش همنا الاول هوا العلم,العلم لغرض العلم
العلم الى بجد الى ينفع يتطبق وابقا شايف فايدته قدام عينى,طبعا جزء كبير من المشكله مشترك فيه الاخوه المسئولين عن التعليم فى مصرنا الحبيبه الى بفضل الله
كسرو القاعده وخلو المستوى العلمى والفكرى للطلبه
يقل مع تقدم سنوات الدراسه عكس كل بلاد العالم مع اننا اكتر شعب مهموم بالتعليم والدروس والمدارس
المنطق يقول ان احنا لازم نكون اكثر شعوب العالم تقدم
بس طبعا ده مش الواقع.
طيب عشان نلخص ونجيب من الاخر..ايه الحل؟
الحل ان احنا نبص للعلم باعتباره الغايه والوسيله
غايه انه يكون فى حد ذاته هدف,وانا بزاكر مثلا
اكون بتعلم لغرض العلم انى اكون عارف فى المجال
ده سواء الطب او الهندسه او التجاره او اى ان كان.
الوسيله انه يكون الشمعه الى بتنورلى طريقى لهدفى الى عايز اوصله..وبس خلاص
بعد مافقت من صدمه الاجابه حاولت اعرف السبب
ليه انا بعد كل السنين دى وكل التعب ده مقدرش افيد
ولا استفيد,وكان السبب بسيط جدا..
انى مكنتش باتعلم لغرض العلم,انا كنت بتعلم عشان اخد شهاده اشتغل بيها,مش شرط عارف باه ولا مش عارف
احنا على راى عادل امام "بلد بتاعت شهادات صحيح"
يعنى مش المهم تفهم او تستفيد,المهم تعرف ازاى تنجح فى الامتحان,مش مهم تعرف فايده العلم ده فى حياتك
المهم تعدى للسنه الى بعدها.
طب ليه..احنا كده بنضيع مجهودنا وعمرنا ع الفاضى
ليه ميكنش همنا الاول هوا العلم,العلم لغرض العلم
العلم الى بجد الى ينفع يتطبق وابقا شايف فايدته قدام عينى,طبعا جزء كبير من المشكله مشترك فيه الاخوه المسئولين عن التعليم فى مصرنا الحبيبه الى بفضل الله
كسرو القاعده وخلو المستوى العلمى والفكرى للطلبه
يقل مع تقدم سنوات الدراسه عكس كل بلاد العالم مع اننا اكتر شعب مهموم بالتعليم والدروس والمدارس
المنطق يقول ان احنا لازم نكون اكثر شعوب العالم تقدم
بس طبعا ده مش الواقع.
طيب عشان نلخص ونجيب من الاخر..ايه الحل؟
الحل ان احنا نبص للعلم باعتباره الغايه والوسيله
غايه انه يكون فى حد ذاته هدف,وانا بزاكر مثلا
اكون بتعلم لغرض العلم انى اكون عارف فى المجال
ده سواء الطب او الهندسه او التجاره او اى ان كان.
الوسيله انه يكون الشمعه الى بتنورلى طريقى لهدفى الى عايز اوصله..وبس خلاص
هناك 9 تعليقات:
المشكلة بتتلخص فى كلمتين دايما نقولهم لبعض .. بعد ما تتخرج حيقولولك انسى اللى اتعلمته عشان الحياة العمليه حاجة تانية خالص .. وعجبتنى اوى حكاية ان احنا اكتر ناس شايلة هم التعليم ومش بنوصل لحاجة .. حلوة يا دكتور احمد
كلنا تلاميذك الصغيرين ياستاذ محمد
من بعض ماعندكم
نظام التعليك كله من أوله لاخره فاشل
مرورا بمدرس ابتدائي اللي مايعرفش الألف من كوز الدرة مرورا بالمناهج اللي تجيب تخلف عقلي وصولا لدكاترة الجامعه المعقدين اللي بعضهم وصلوا لمراكزهم بالحفظ لدرجة ان بعض الطلاب يفهموا أكتر منهم ..
ازاي متوقع من نظام بالشكل الخرافي ده يفيد حد ؟؟ أو يطلع حد يقدر يفيد المجتمع ؟؟
لعلمك مشكلة التعليم دي هي اساس كل مشاكل البلد التانية .. بس تعمل ايه , ربنا عالظالم
و بعدين فكرة اننا نتعلم من أجل التعليم دي مش ذنبنا .. نتيجة للنظام اللزيز ده الطلاب بيكرهوا التعليم و سنينة تلقائيا .. فتلاقي نفسك غصب عنك بتتعلم لأنك عايز تاخد الشهاده و تهرب من أم السجن اللي انت فيه ده .. لكن لو النظام صح كنت غصب عنك هتحب تتعلم .. لعلمك العلام حلو .. و طعم انك تكون عارف و فاهم حلو .. بس برضه تعمل ايه !! و برضه ربنا عالظالم !!
فعلا ياشريف العيب فى النظام
جيت على الوجيعة يا عم احمد ، عارف نظام التعليم بتاعنا دا علشان تنجح فيه لازم تلغى عقلك وتلغى تفكيرك وتشغل جزء واحد من دماغك هو الذاكرة وبس
انا حوجنى الزمن لكشكول محاضرات الاولى على دفعتنا ، ربنا ما يوريك طول عمرى كنت بسأل ازاى دى بقت الاولى على الدفعة وبعدها عرفت .. بص مهما الدكتور يقول صح غلط هى بتكتب وتحفظ .. انا علشان ما اتعودتش على كده ايدى اصلا بترفض تكتب حاجة مش فاهماها وطبعا بما ان الدكتور اصلا مش فاهم هو بيديك ايه فانا عمرى ما هفهم ...
كان عندى مدرس يقولى مخك هيوديكي فى داهية .. وفعلا ودانى فى داهية .. بس تعرف انا بقول اللى بيحصلى فى الاول وفى الاخر نصيب ، اخسر اى حاجة فى الدنيا مش مشكلة بس المهم ما اخسرش مخى ولا تفكيرى والانجاز الحقيقى فى نظامنا التعليمى انك تقدر تحتفظ بمخك شغال وسليم ومش مصدى ..
فى بلدنا ياساره قدمنا حل من اتنين
ينحتفظ بمخنا ونخسر مستقبلنا(مع انه كده كده خسران),ياما تخسرى مخك وساعتها ممكن تكسبى مستقبلك..ممكن
أنا مختلف معاك في اختياراتك دي يا احمد .. انت لو خسرت مخك عمرك ما هتكسب مستقبلك ( لو كان اصدك بخسارة المخ انك تمشي ورا نظام التعليم ده و تبقى من الأوائل و الكلام الي احنا منعرفوش ده .. حاشا لله ! ) .. الأمل الوحيد انك تكسب مخك و تطوره كمان على اد ما تقدر حتى لو خسرت التعليم و حتى لو ظاهريا ادام المجتمع خسرت مستقبلك (لان دي أكيد هتكون فترة مؤقتة) .. صدقني عقلك هو الي ممكن ينجيك بس في الزمن ده .. مش أي حد و لا اي حاجه تانيه
لغايه دلوقتى مشفتش حد كسر القاعده دى وقدر يشتغل فى البلد دى على راى عادل امام"لاجا مانعلا ونعلا ونعلا,لازم نطاطى نطاطى نطاطى"..وربنا ع الظالم
انا يضم صوتى لصوت الاخت ساره وبقلها ان الموضوع ده لزمله بحث
إرسال تعليق