وانا بزاكر وبتمشى فى الاوضه بتاعتى خبطت الشبشب بتاعى وهوه على الارض فتقلب على ضهره فرحت بسرعه عدله لانى متعود من وانا صغير ان حرام الجزمه او الشبشب اوى اى حاجه بتتلبس تكون مش معدوله عشان كده هيه بتبقا فى وش ربنا استغفر الله العظيم,وبعد ماعدلته وقفت ثانيه افكر فى الى انا عملته..
طب مانا بعمل حاجات كتير حرام وبرضه بتبقى فى وش ربنا استغفر الله العظيم,حاجات نزل فيها امر سماوى ان احنا منعملهاش والى منزلش فى امر سماوى الرسول عليه الصلاه والسلام قلنا عليه,ليه انا خفت اوى من حركه الشبشب مع ان حسب علمى لا نزل فيها امر سماوى ولا حديث شريف ومبخفش مثلا لما باكذب ولا ماصليش ولا لما ابص على البنات فى الشارع,خفت من حاجه من اجتهادنا ومخفتش من الى مفروض يتخاف منه بجد,انا لغايه مانا بكتب السطور دى ملقتش تفسير للى انا عملته.
طب مانا بعمل حاجات كتير حرام وبرضه بتبقى فى وش ربنا استغفر الله العظيم,حاجات نزل فيها امر سماوى ان احنا منعملهاش والى منزلش فى امر سماوى الرسول عليه الصلاه والسلام قلنا عليه,ليه انا خفت اوى من حركه الشبشب مع ان حسب علمى لا نزل فيها امر سماوى ولا حديث شريف ومبخفش مثلا لما باكذب ولا ماصليش ولا لما ابص على البنات فى الشارع,خفت من حاجه من اجتهادنا ومخفتش من الى مفروض يتخاف منه بجد,انا لغايه مانا بكتب السطور دى ملقتش تفسير للى انا عملته.
هناك 6 تعليقات:
من وجهة نظرى يا دكتور احمد ان الفكرة ببساطة انك مش حتخسر حاجة لو عدلت الشبشب وفى نفس الوقت مش حتبذل مجهود ضخم ، لكن لو مثلا حاولت تسيطر على شهوة ما فأنت محتاج مجهود ضخم عشان تسيطر على نفسك ، ولو قدرت تمسك نفسك حتكون خسرت شىء ما ، فعشان كده بتلكك فى الشبشب ،سلام عشان فيه صرصار بيتنطط قدامى حياخد بضهر ووش الشبشب
بس انا فعلا باحرص على عدلان الشبشب يمكن اكتر من اى حاجه تانيه ومقدرش اتغاضى عنها مع انى ممكن اتغاضى عن حاجات تانيه كتير..وربنا يرحم الصرصار
مشكلتنا اننا مابنحطش كل أفعالنا تحت حكم منطقي .. أو بالأصح مابنعدلش مابينهم في الحكم .. يعني مثلا انت لو عند توقيت كل صلاة قعدت مع نفسك كجه و بمنتهى البساطه قلت :-
1- الأدان بيأدن
2-يعني ربنا بيناديني عشان أأدي واجب عليا
3-أنا مفيش أي حاجه تمنعني اني أنزل أصلي
4-أول حاجه الواحد بيتحاسب عليها الصلاة يعني لو منزلتش دلوقتي أنا بحط نفسي في موقف صعب ادام ربنا
5-يبقى أكيد و لازم و مفيش حل الا اني أنزل أصلي
لو عملت كده مع كل أدان على الأقل حتى لو منزلتش ضميرك هيأنبك يمكن أكتر من موضوع الشبشب ده
لكن موضوع الشبشب اثباته منطقيل لعقلك بسيط أوي و في خطوه واحده عشان كده بتعمله بسرعه و انت مش واخد بالك و ضميرك بيأنبك فورا و بتكون النتيجه انك بتعدله ( بغض النظر عن ان فكرة ربنا فوق و الشبشب في وشه دي فكره غلط و غبيه جدا يعني بس ما علينا )
ملخص الكلام اننا لو ادينا كل حاجه نصيبها العادل من الحكم المنطقي .. كل حاجه هتاخد نصيبها العادل برضه من تأنيب الضمير .. و بالتالي هيبقى كل انسان و ضميره ..
مشكلتنا اننا مابنحطش كل أفعالنا تحت حكم منطقي .. أو بالأصح مابنعدلش مابينهم في الحكم .. يعني مثلا انت لو عند توقيت كل صلاة قعدت مع نفسك كجه و بمنتهى البساطه قلت :-
1- الأدان بيأدن
2-يعني ربنا بيناديني عشان أأدي واجب عليا
3-أنا مفيش أي حاجه تمنعني اني أنزل أصلي
4-أول حاجه الواحد بيتحاسب عليها الصلاة يعني لو منزلتش دلوقتي أنا بحط نفسي في موقف صعب ادام ربنا
5-يبقى أكيد و لازم و مفيش حل الا اني أنزل أصلي
لو عملت كده مع كل أدان على الأقل حتى لو منزلتش ضميرك هيأنبك يمكن أكتر من موضوع الشبشب ده
لكن موضوع الشبشب اثباته منطقيل لعقلك بسيط أوي و في خطوه واحده عشان كده بتعمله بسرعه و انت مش واخد بالك و ضميرك بيأنبك فورا و بتكون النتيجه انك بتعدله ( بغض النظر عن ان فكرة ربنا فوق و الشبشب في وشه دي فكره غلط و غبيه جدا يعني بس ما علينا )
ملخص الكلام اننا لو ادينا كل حاجه نصيبها العادل من الحكم المنطقي .. كل حاجه هتاخد نصيبها العادل برضه من تأنيب الضمير .. و بالتالي هيبقى كل انسان و ضميره ..
-----------------------------------
كلام معقول ويخش المخ,متشكر على وجه النظر دى,فتحتلى مجال للتفكير وحل المشكله
لأن للأسف العادات والتقاليد بتتحكم فينا اكتر من الدين ودةلغلط في التربية
mostafarayan يقول...
لأن للأسف العادات والتقاليد بتتحكم فينا اكتر من الدين ودةلغلط في التربية
-------------------------------------
فعلا الواحد اتربى على عادات وتقاليد كتير غلط كان كل اهتمامها بالرتوش وسابت الاصل والجوهر
إرسال تعليق