طول عمرى وانا عايش على فكره ان الدراسه والشغل
عباره عن عماره عاليه وشارع تحتها وانا واقف على سطح العماره وكل مبتقدم فى مراحل الدراسه كل مابابدا
انزل سلالم العماره دى لغايه ماوصل للشارع الى هوه الشغل وانى لو حاولت اشتغل وانا بادرس كانى بالظبط برمى نفسى من دور عالى فى العماره,اى نعم حاوصل للشارع بس حوصل متكسر ومش قادر اتحرك,بس من ناحيه تانيه بقول طب مايمكن على بال مانزل كل السلالم دى يكون نفسى اتقطع والاقى نفسى متكوم على باب العماره ومعتش جوايا طاقه انى اكمل,مقصدش طبعا انى لما اخلص دراسه طاقتى العاديه حتخلص انا قصدى طاقه الابداع..التغيير..الخروج عن المالوف كل ده خايف عليه يخلص او يقل لانها فعلا بدات تقل وبدات احس انى عايز ابقى عادى ماشى مع الماشين وخلاص واعدى على الدنيا كده مرور الكرام,بتهيالى كل واحد اكيد بيفكر زيى كده عايز يسيب بصمته فى الدنيا يكتشف علاج لمرض او يخترع لمبه عمرها اطول,بتهيالى الناس المبدعه الى زى اديسون مثلا واينشتين واحمد زويل وكل العظماء دول لقيو حل للمعادله الصعبه وقدرو يحافظو على طاقه الابداع جواهم وعرفو ازاى يكملو فى الشارع.
عباره عن عماره عاليه وشارع تحتها وانا واقف على سطح العماره وكل مبتقدم فى مراحل الدراسه كل مابابدا
انزل سلالم العماره دى لغايه ماوصل للشارع الى هوه الشغل وانى لو حاولت اشتغل وانا بادرس كانى بالظبط برمى نفسى من دور عالى فى العماره,اى نعم حاوصل للشارع بس حوصل متكسر ومش قادر اتحرك,بس من ناحيه تانيه بقول طب مايمكن على بال مانزل كل السلالم دى يكون نفسى اتقطع والاقى نفسى متكوم على باب العماره ومعتش جوايا طاقه انى اكمل,مقصدش طبعا انى لما اخلص دراسه طاقتى العاديه حتخلص انا قصدى طاقه الابداع..التغيير..الخروج عن المالوف كل ده خايف عليه يخلص او يقل لانها فعلا بدات تقل وبدات احس انى عايز ابقى عادى ماشى مع الماشين وخلاص واعدى على الدنيا كده مرور الكرام,بتهيالى كل واحد اكيد بيفكر زيى كده عايز يسيب بصمته فى الدنيا يكتشف علاج لمرض او يخترع لمبه عمرها اطول,بتهيالى الناس المبدعه الى زى اديسون مثلا واينشتين واحمد زويل وكل العظماء دول لقيو حل للمعادله الصعبه وقدرو يحافظو على طاقه الابداع جواهم وعرفو ازاى يكملو فى الشارع.
هناك 8 تعليقات:
صدق بجد عملتلي خناقه في دماغي
بس المهم انا طالب في طب وجربت اشتغل في رأيي الشخصي ان وانا بشتغل كنت بذاكر احسن كنت حاسس ان الحياة ليها معنى يعني انا طالب وبشتغل وبخرج وبذاكر حاجات كتير بس فعلا مش عارف لو كنت كملت كان هيبقى حالي ايه دلوقتي
فعلا مش عارف
يعنى انتا جربت حكايه الشغل وسط الدراسه
وكنت شايف ان ليها فوايد عليك..ممكن بس بتهيالى دى حتكون لفتره معينه بعد كده مش حتقدر تحافظ على الاتنين شغالين مع بعض كان لازم حيجى وقت تنفض لواحد عشان التانى
شكرا على مرورك يادكتور وائل
البوست دى جامدة يا دكتور احمد
متشكر اوى يامحمد
01فعلا يا أبو حمييييدالواحد فعلا زمان ايام اعدادي و ثانوي و في اووول الكليه كان عنده احلام كبيرة جدا انه مش يبقي زي الناس التانين و لازم الواحد يعمل حاجة مختلفة و يتميز عن بقية الناس , بس دلوقتي خلاااص الواحد حاسس انه زي مايكون في بحر و اسيب نفسه للموج مطرح ما يوديه علي اي حته مش حتفرق
الواحد مش عارف العيب فينا و لا في البلد و لا في ايه بالظبط لو عرفت يبقي قوووولي
نفس الى حصل معاك حصل معايا,تعالا انا وانتا ندور على حد يقلنا العيب فين
بص بقى يا عم أحمد .. أنا مختلف معاك تماما في الكلام ده و شايف ان التشبيه ده ماينفعش
انا جربت أشتغل مع الدراسه .. و شايف اساسا ان حياتي مش هتنفع من غير ما يكون فيها حاجه تانيه مع الدراسه .. أنا عارف ان الدراسه دس شر لابد منه و حاجه لازم تنجزها بسرعه و تخلص منها .. بس ماتكونش هي كل حياتك ده يبقى جنون
الشغل عمره ما هيوصلك للشارع متكسر .. بالعكس لما بتبدأ تشتغل و انت لسه في سن صغيره بتكتسب خبرات مهوله و بتفرق عن صحابك اللي في سنك كتير جدا جدا
بالعكس كمان انا شايف ان الشغل ده هو اللي ممكن يديك أمل انك بعد الدراسه أدامك طريق جميل هتتفرغ ليه .. و كل طاقات الابداع اللي جواك هتتركز فيه من غير الهم الاسود اللي اسمه دراسه ده
أنا بتكلم عني أنا و عن ظروفي أنا .. و أكيد الوضع هيختلف تماما بالنسبه لكل واحد
بس عموما كده .. ماتربطش فكرة الابداع بالدراسه .. دي فترة و هتخلص , و ان شاء الله لما تخش دنيا الشغل بجد , هتلاقي الطاقات دي كلها اتفجرت فيك تاني عشان تقدر تثبت نفسك في العالم ده ..
بص بقى يا عم أحمد .. أنا مختلف معاك تماما في الكلام ده و شايف ان التشبيه ده ماينفعش
انا جربت أشتغل مع الدراسه .. و شايف اساسا ان حياتي مش هتنفع من غير ما يكون فيها حاجه تانيه مع الدراسه .. أنا عارف ان الدراسه دس شر لابد منه و حاجه لازم تنجزها بسرعه و تخلص منها .. بس ماتكونش هي كل حياتك ده يبقى جنون
الشغل عمره ما هيوصلك للشارع متكسر .. بالعكس لما بتبدأ تشتغل و انت لسه في سن صغيره بتكتسب خبرات مهوله و بتفرق عن صحابك اللي في سنك كتير جدا جدا
بالعكس كمان انا شايف ان الشغل ده هو اللي ممكن يديك أمل انك بعد الدراسه أدامك طريق جميل هتتفرغ ليه .. و كل طاقات الابداع اللي جواك هتتركز فيه من غير الهم الاسود اللي اسمه دراسه ده
أنا بتكلم عني أنا و عن ظروفي أنا .. و أكيد الوضع هيختلف تماما بالنسبه لكل واحد
بس عموما كده .. ماتربطش فكرة الابداع بالدراسه .. دي فترة و هتخلص , و ان شاء الله لما تخش دنيا الشغل بجد , هتلاقي الطاقات دي كلها اتفجرت فيك تاني عشان تقدر تثبت نفسك في العالم ده ..
----------------------------------
اولا:انا مربطش فكره الابادع بالدراسه بالعكس ده انا خايف عليها من طول الدراسه.
ثانيا:انا شايف ان معظم الى بيشتغلو اثناء دراستهم بيشتغلو فى مجالات غير مجال دراستهم وبالتالى شغلهم ده مش حيفيدهم فى شغلهم الاساسى بعد الدراسه اللهم خبره الحياه العمليه بس الى حيكتسبوها ودى طبيعى بتيجى اول ماتشتغل.
ثالثا:انا من مؤيدى نظريه عيش سنك
لانك بعد كده حتشتغل غصب عن عين الى جابوك ومش حتعرف ترجع الايام دى تانى.
إرسال تعليق