لفتره كبيره من الزمن كنت مقتنع بمبدا الشيوعيه الى هوه لو فى الف واحد وفى واحد منهم معاه الف جنيه والباقى مش معاه حاجه يبقى نوزع الالف جنيه على الالف فرد وكل واحد يبقى معاه جنيه ونبقى كلنا مبسوطين ويسود الحب والسعاده ومحدش يبص على التانى او يحقد عليه(المثال ده حسب فهمى البسيط للشيوعيه),دى طبعا مش دعوه انى اكل حق المجتهد ويجى واحد عوطلى ياخده على الجاهز بس لعيب الكوره او الممثل مثلا بياخد اضعاف اضعاف الى بياخده موظف غلبان مع ان الموظف بيشتغل وبيتعب وبيطلع عين الى جابوه اكتر من لعيب الكوره او الممثل يعنى لو طالبنا بالمساواه هنا منبقاش غلطانين.ارجع لتفكيرى القديم ان بالمبدا ده كل مشاكلنا حتتحل والشعب حيعيش زى السمنه على العسل وميت فل واربعتاشر واقعدت افكر لما الشيوعيه حلوه اوى كده ليه فشلت؟
بس بعد شويه تفكير كده اكتشفت ان فى حاجات مينفعش تتقسم على الشعب مثلا زىالنجاح,السعاده,الحب,التوفيق,الموهبه,يعنى اتنين بيحبو واحده والواحده دى بتحب واحد فيهم مينفعش طبعا تتقسم على اتنين ساعتها حيظهر الحقد والغضب والكره والتمرد تانى فى المجتمع وده طبعا مثال بسيط بس فهمنى ليه فشلت الشيوعيه.
هناك تعليقان (2):
أنا أفتكر كلمه لمصطفى محمود بيقولك فيها فيما معناه "ان الحقيقة أكبر من أن يسعها مذهب و احد .. فهي موزعه , و أصلها الحياه فهي ينبوع و أصل كل الحقائق " يعني فكرة ان بلد تمشي شيوعي كلها أو رأس مالي كلها دي فكره أنا شايف انها غلط جدا
في حاجات زي مانت قلت ماينفعش تتوزع .. لان ده قانون الدنيا .. اللي بيتعب بياخد و اللي عنده مواهب بياخد أكتر .. و هكذا .. هي معادله , اما بعض حاجات تانيه ممكن تكون متعلقه بالامن القومي أو بسياسه معينه .. دي مكن نمشي فيها بالنظام الاشتراكي ..
و لعلمك قريبا جدا أنا اعتقد ان الرأسماليه اللي متحكمه في معظم دول العالم هتفشل برضه
مفيش نظام كامل .. مفيش مذهب على صواب مطلق
لازم الدنيا تبقى ميكس ما بين كل المذاهب
أنا أفتكر كلمه لمصطفى محمود بيقولك فيها فيما معناه "ان الحقيقة أكبر من أن يسعها مذهب و احد .. فهي موزعه , و أصلها الحياه فهي ينبوع و أصل كل الحقائق " يعني فكرة ان بلد تمشي شيوعي كلها أو رأس مالي كلها دي فكره أنا شايف انها غلط جدا
في حاجات زي مانت قلت ماينفعش تتوزع .. لان ده قانون الدنيا .. اللي بيتعب بياخد و اللي عنده مواهب بياخد أكتر .. و هكذا .. هي معادله , اما بعض حاجات تانيه ممكن تكون متعلقه بالامن القومي أو بسياسه معينه .. دي مكن نمشي فيها بالنظام الاشتراكي ..
و لعلمك قريبا جدا أنا اعتقد ان الرأسماليه اللي متحكمه في معظم دول العالم هتفشل برضه
مفيش نظام كامل .. مفيش مذهب على صواب مطلق
لازم الدنيا تبقى ميكس ما بين كل المذاهب
-----------------------------------
فعلا معاك حق,انا فى الاخر وصلت للفكره دى
احنا بشر مفيش نظام ينفع يلمنا غير نظام الكون الى عمله ربنا انما اى انظمه تانيه من صنع البشر فبتهيالى
مهما طالت مصيرها الفشل
إرسال تعليق